Блејк Лајвли беше гостинка на вечера организирана од Шанел во чест на филмските уметници кои беа дел од Фестивалот во Трибека.
36-годишната ѕвезда од серијата „Gossip Girl“ шармираше во цветен костум кој само таа знае како да го износи со стил. Својот моден избор, Лајвли го надополни со чантичка од Шанел.
Добро познато е дека Блејк нема стилист и сама се грижи за својот изглед, а со години важи за една од најдобро облечените холивудски дами. Кога била запрашана зошто не ангажира свој стилист, Блејк се пошегувала: „Веројатно затоа што имам проблем со контролата и големо его – тоа веројатно е најискрениот одговор“, а потоа дополнила: „Сакам да комбинирам облека. Сакам мода и дизајн и тоа е начин да бидам креативна“.
Сопругата на Рајан Рејнолдс неодамна беше фотографирана додека го снимаше вториот дел од филмот „A Simple Favor“ во Рим.
