Салма Хајек ја сними првата заедничка фотосесија со ќерка си Валентина.
Славната холивудска актерка позираше со 14-годишната девојка за мексиканското издание на списанието „Вог“.
Дуото мајка-ќерка носеше креации од модната куќа Гучи.
„Станав мајка многу доцна. Го направив тоа затоа што го најдов партнерот на мојот живот, кој имаше стабилна кариера, но веќе толку многу сакав да ја имам оваа ќерка што ништо друго не ми беше важно“ – изјавила 55-годишната ѕвезда.
Во интервјуто, Валентина открила дека сака да ги следи стапките на мајка си и да стане актерка. „Сакам да бидам актерка, а потоа режисерка“ – рекла таа.
Хајек, пак, признала дека честопати со Валентина се караат за облеката, бидејќи таа обожава да позајмува парчиња од плакарот на мајка си.
„Се караме за облеката, бидејќи таа ми зема сè од мојот плакар. Уште од мала не ми дозволува јас да ѝ ја избирам облеката, што ми се допаѓа“ – додала Хајек.
Валентина е ќерка на Салма и Франсоа-Анри Пино.
