Романтично запросување на -28°C: Планинар ја побара саканата за жена на Пелистер на првото изгрејсонце во 2026

Традиционалното искачување на Пелистер „Први на први“ годинава беше одбележано со романтичен предлог за брак.

Откако се искачија на врвот Пелистер за да уживаат во првото изгрејсонце во 2026 година, Дарио Петровски и Мишела Панајотова на 2.601 метар надморска висина отворија ново поглавје во нивната љубовна приказна.

Заљубениот планинар клекна на колено и ја побара саканата за жена на огромно одушевување на присутните.

Дарио и Мишела живеат и работат во Германија, а се вратиле тука специјално за „Први на први“. Планинарите се искачија на врвот и покрај силниот ветер и ниските температури од -28°C.