Романтична приказна во „Пепелашка“ стил: Трејлерот за новата сезона на хит-серијата „Bridgerton“

Netflix го објави официјалниот трејлер за долгоочекуваната четврта сезона на популарната серија „Bridgerton“, со што повторно го насочи вниманието на публиката кон раскошниот свет на лондонското високо општество во 19-от век.

Трејлерот се фокусира на забранетата љубовна приказна помеѓу Бенедикт Бриџертон (Лук Томпсон) и слугинката Софи Баек (Јерин Ха), која се развива во „Пепелашка“ стил.

„Bridgerton“, инспирирана од романите на Џулија Квин, останува една од најгледаните серии на Netflix. Објавувањето на трејлерот дополнително ги зголеми очекувањата за новата сезона, која веќе се најавува како една од највозбудливите досега.

Првата епизода од четвртата сезона ќе биде достапна на Netflix од 29 јануари.