Романтична и сензуална: Марго Роби во црвена кадифена креација од Шанел на премиера во Париз
Марго Роби го продолжува новиот моден маратон на тематско стилизирање согласно филмот кој го промовира.
Откако направи бум додека го рекламираше хитот „Барби“, холивудската ѕвезда се втурна во нов стилски поход за филмот „Оркански височини“ во готски, романтичен, меланхоличен и драматичен дух.
На премиерата во Париз, 35-годишната актерка се појави во уникатна креација од Шанел. Станува збор за црвена кадифена креација под која се отскрива чисто бело здолниште.
Во новата филмска адаптација на романот на Емили Бронте, Марго ја има главната женска улога на Кетрин Ерншо додека згодниот Џејкоб Елроди влегува во улогата на Хитклиф.
