Роџер Федерер покрај сопругата Мирка и принцезата Кетрин на специјална церемонија во негова чест на Вимблдон

Вчера, Роџер Федерер се врати на Вимблдон каде беше дочекан со громогласен аплауз.

На специјалната церемонија одржана во негова чест, 41-годишниот тенисер пристигна со сопругата Мирка, со која имаат два пара близнаци. Мирка изгледаше одлично во бел фустан извезен со цветови.

Роџер и Мирка седеа покрај принцезата Кетрин, која како и секогаш беше во одлично расположение. 41-годишната припадничка на британското кралско семејство е многу добра пријателка со тенисерот кој осумпати имаше победено на Вимблдон пред неговото пензионирање минатата година.