Роденден во Париз: Џенифер го прослави 53-тиот роденден на романтична вечера со Бен Афлек

Џенифер и Бен Афлек ги слават љубовта и животот во Париз. Популарната двојка го минува медениот месец во Градот на љубовта и светлината, а таму го прослави и роденденот на Лопез.

53-годишната пејачка и 49-годишниот актер славеа во ресторанот „Girafe“ со спектакуларен поглед на Ајфеловата кула.

За вечерната прослава, Лопез носеше долг фустан со златен детаљ и отсечок на едната страна од брендот Et Ochs.

Парот седеше во интимно катче на ресторанот и според очевидци, постојано си разменуваше прегратки и бакнежи. Џенифер доби и мала торта и тиркизен балон, а Бен посветено го овековечуваше моментот.

За време на европското патување, Бенифер ги истражува убавините на француската метропола и непрекинато го привлекува вниманието на фановите и папараците. На нивните прошетки, тие изгледаат како заљубени тинејџери.