Родена со деформитети поради Чернобил, малтретирана во сиропиталиште... Која е шампионката која доминира на Параолимпијадата?
Параолимпијка родена со тешки деформитети поради хаваријата во Чернобил, ја збогати својата колекција медали со уште три злата и стана најнаградувана американска параолимпијка во историјата.
Оксана Мастерс е родена во Украина во 1989 година, само три години по нуклеарната катастрофа во Чернобил. Радијацијата ѝ предизвикала сериозни деформитети, поради кои таа се родила без палци на рацете, без големите писки на нозете и со по шест прсти на секое стапало.
36-годишната спортистка била оставена во сиропиталиште, каде што ги поминала првите седум години од својот живот, изложена на студ, глад и злоставување.
Но, не дозволи тоа да ја дефинира како личност и се издигна повисоко од сите предизвици.
При раѓање бев дадена на посвојување и поминав седум и пол години во сиропиталишта. Многу луѓе не сакаат да веруваат што се случува во некои сиропиталишта во Украина. Но треба да веруваат. Се случуваат ужасни работи.
И од тие нешта сум покриена со лузни. Многу поинакви лузни. Бев злоупотребувана... не дозволувам тоа да ме дефинира. Лузните... речиси и не се лузни. Тие се моите приказни.
Сè уште се сеќавам на сиропиталиштата. Долги, мрачни ходници. Студ толку силен што можеше да си го видиш здивот. Ноќите беа најлоши – рекла Оксана, која на 7-годишна возраст била посвоена од самохрана Американка, која ѝ го дала првиот вистински дом и шанса за нов живот.
По низа сложени медицински интервенции, двете нозе ѝ била ампутирани над колена, а прстите на рацете ѝ биле модифицирани за функционалност. Наместо да ја скрши, ова ја направило посилна и болката станала дел од нејзината сила.
Спортот го трансформирал животот на Мастерс. Таа почнала со адаптивно веслање, потоа продолжила со параскијачки дисциплини и парациклизам, освојувајќи медали на летни и зимски Параолимписки игри.
На Зимските Параолимписки игри во 2026, кои започнаа на 6 март, Мастерс освои три златни медали, носејќи ја нејзината вкупна колекција на 12 златни и вкупно 22 медали, со што стана најодликуваната параолимпијка во историјата на САД.
„Не влегов во спортот за да победувам. Влегов за да откријам колку е силно моето тело“ – рекла таа.
