Ријана си ги истетовира „чкртаниците“ на децата, коментарите не стивнуваат: „Изгледа како варикозни вени“
Ријана ги размрда прстите на интернет корисниците со својата нова тетоважа.
Славната пејачка одлучи на својата кожа да ги овековечи „чкртаниците“ на нејзините деца Риза, Рајот и Роки и зад коленото си направи тетоважа од линии.
Познатиот тату-артист познат како Bang Bang на Instagram откри дека дизајнот бил „создаден од нејзините бебиња“.
Фановите веднаш почнаа да коментираат, а мислењата беа поделени. Додека едни ја нарекоа тетоважата „преслатка“ и „емотивен спомен што ќе трае засекогаш“, други не беа воодушевени.
„Колку и да си ги сакам децата, никогаш не би го направила ова“, „Изгледа како варикозни вени“, „Кога си под тушот и купче влакна ќе ти паднат на ногата“, „Изгледа како модринка од лошо паѓање“, „Најлесно заработените пари на тату артистот“, „Можеш да го ставиш цртежот на фрижидерот и пак да си ги сакаш децата“ – се само дел од коментарите.
Ријана и Ејсап Роки го добија третото дете, ќеркичката Роки, во септември минатата година. Нивното првото дете, синчето Риза Ателстон Мајерс, се роди во мај 2022 година, а Рајот дојде на овој свет на 1 август минатата година.
Парот започна да се состанува во 2020 година.
