Ријана се откажа од разголените аутфити, за првпат беше фотографирана со Ејсап Роки по породувањето

Ријана го промени стилот на облекување по породувањето. Славната пејачка, која поттикнуваше многу коментари со разголените стајлинзи во бременоста, сега премина кон комбинации кои целосно ѝ го покриваат телото.

Ѕвездата од Барбадос беше фотографирана за време на вечерно излегување со Ејсап Роки за првпат откако стана мајка. Парот беше затекнат од папараците пред ресторанот „Carbone“ во Њујорк.

34-годишната пејачка беше облечена во матрикс стил со корсет со конуси, кој е резултат на соработката на Жан Пол Готје со стилистката Лота Волкова.

Во изминатиов период, Ријана беше забележана на концерти на Ејсап Роки и во сите наврати носеше „попокривни“ ауфити.