Ретко се бакнуваат во јавност: Леонардо Дикаприо (51) си разменуваше нежности со девојката Виторија (27)

Леонардо Дикаприо е познат по тоа што го држи приватниот живот подалеку од очите на јавноста, но овојпат направи исклучок.

51-годишниот актер беше фотографиран како разменува нежности со својата девојка Виторија Черети за време на предновогодишен шопинг во Лос Анџелес. Ѕвездата од „Титаник“ нежно ја прегрна и бакна 27-годишната манекенка, а двојката не се обидуваше да ја сокрие блискоста.

По бакнежот, двајцата продолжија да шетаат со широки насмевки, уживајќи во заедничките моменти. Виторија силно го прегрнуваше Лео.

Овие сцени веднаш го разбудија интересот на медиумите и фановите, кои со внимание го следат секој чекор на славниот актер и неговата значително помлада партнерка.