Прво појавување пред камери по киднапирањето: Даниел Кајмакоски настапи на „Pesma za Evroviziju“

Даниел Кајмакоски за првпат се појави на јавен настан по неговото киднапирање во Белград, коешто се случи пред две недели.

Македонскиот пејач застана пред камерите на сцената на „Pesma za Evroviziju 2026“, во рамките на првата полуфинална вечер.

Во ревијалниот дел од вечерта посветен на победите на Австрија на Евровизија, пејачот настапи со енергична изведба на песната „Nobody but You“ од 2018 година, придружуван од танчерска група.

Инаку, полицијата и понатаму трага по двајцата осомничени кои, според информациите, рано наутро го киднапирале во близина на „Бетон хала“ во Белград. Пејачот бил пронајден врзан на задното седиште од автомобил, додека напаѓачите избегале во непознат правец. Истрагата е во тек и се разгледуваат повеќе можни мотиви.

По инцидентот се огласи и неговата сопруга Марина, која изјави дека семејството минува низ тежок период и дека поради тековната истрага, не смеат да откриваат детали. Таа потврди дека Кајмакоски е во стабилна состојба и дека се опоравува дома со најблиските.