Прв трејлер: Џенифер Лопез ризикува сè за љубовта во новата романтична комедија „Office Romance“

Џенифер Лопез се враќа во жанрот кој ѝ донесе огромна популарност – романтичните комедии.

Во новиот филм „Office Romance“, 56-годишната актерка ја игра Џеки Круз, моќна и строга директорка која не дозволува емоциите да ѝ се мешаат во работата.

Но, работите се комплицираат кога во нејзиниот живот влегува шармантниот адвокат Даниел, кого го толкува Брет Голдстин. 

Нивната професионална врска брзо прераснува во тајна романса, исполнета со силна хемија, забранети моменти и ризици кои можат да ја чинат Џеки не само кариерата, туку и компанијата која ја градела со години.

Режиран од Ол Паркер, филмот носи комбинација од хумор, страст и драма, а дел од дејството се одвива и во егзотичната Доминиканска Република, во која се разгорува љубовната романса.

„Office Romance“ пристигнува на Netflix на 5 јуни.