Памела Андерсон продолжува да ги предизвикува стандардите за убавина и да се залага за истакнување на природната убавина, тврдејќи дека е посреќна отсекогаш.
56-годишната актерка сосема природна и без шминка се појави на доделувањето на британските модни награди во „Ројал Алберт Хол“ во Лондон. Таа не клонеше кон гламурозен стајлинг и на црвениот тепих зачекори во едноставна модна комбинација од Стела Мекартни.
Андерсон вели дека се чувствува ослободено поради тоа што не чувствува притисок да седи на столчето за шминкање три часа.
„Кога отидов на Париската модна недела, одлучив да не ставам шминка... Се чувствував толку слободно. Немав намера да оставам впечаток и не знаев дали некој ќе забележи. Не седам на столот за шминкање три часа. Се погледнав во огледалото и реков: ‘Имаш речиси 60 години, ова е доволно добро, едноставно уживај во Париз и не ја играј играта’“ – рекла Памела.
Андерсон во 90-тите години важеше за секс симбол.
