Принцезата Кетрин собра бројни комплименти со синоќешното појавување на божиќниот дипломатски прием во Бакингемската палата со сопругот Вилијам.
42-годишната припадничка на британското кралско семејство буквално блескаше во долга тоалета од модната дизајнерка Џени Пекам. Креацијата, која чини речиси 5 илјади фунти, таа ја надополни со салонки од Џанвито Роси, а на главата ја носеше тијарата „Cambridge Lover's Knot“, која ѝ беше омилена на принцезата Дијана.
Тијарата, за која Дијана велела дека ѝ причинува главоболки поради тежината, била направена во 1914 година. Кетрин за првпат ја носеше во декември 2015 година.
