Предлог за брак на концертот на Сергеј Ќетковиќ: Вљубен дечко ја запроси саканата на сцената
Романтичен момент се случи на концертот на Сергеј Ќетковиќ во Загреб, кога љубовна приказна пред илјадници луѓе ја разнежни публиката.
50-годишниот пејач накратко го прекина концертот и покани заљубен пар да му се придружи на сцената. Потоа откри дека вљубениот дечко, по име Петар, одлучил токму таа вечер да ја запроси својата сакана Ива. Тој му го предаде микрофонот за да може самиот да го постави судбоносното прашање.
Петар, видно возбуден и со мала трема, тешко го започна својот говор, што предизвика насмевки кај публиката. Во еден момент, пејачот се пошегува и ја насмеа целата арена.
„Кажи ‘ДА’ и скрати ни ги маките“ – рече тој низ смеа.
По емотивните зборови на нејзиниот партнер, Ива со солзи во очите кажа „да“, а публиката им честиташе со аплауз.
За моментот да биде уште поромантичен, Ќерковиќ им посвети една од своите балади, додека тие танцуваа на сцената пред публиката.
