Мaкедонскиот народен театар во Скопје беше исполнет до последно место, а македонската публика концертот на Давид Темелков го опиша со зборовите – спектакл, магија и емоција.
Двочасовниот концерт започна со песната „Слушај животот штом диктира“, посветена на жртвите од пожарот во Кочани, по што следеше минута молк во знак на почит. А потоа, започна магијата.
Односот на Давид кон публиката беше топол и пријателски. „Како да сакаше сите да нè прегрне и да ни заблагодари", беа дел од зборовите на публиката.
Се редеа хитовите, негови, наши, забавни, народни, светски, безвременски!
Специјален момент беше предлогот за брак кој се случи на сцената, кога дечко ја изненади саканата со прстен, а Давид возбудено ги поддржа и им пееше додека танцуваа.
Посебна атмосфера донесоа македонските народни песни и настапот на културно-уметничкото друштво „Јонче Христовски“, додека сцената за време на „Седам ночи, седам дана“ го оживеа духот на скопските кафеани.
Финалето со „Мојата Македонија“ ја крена целата сала на нозе, а публиката со овации и аплауз не дозволи концертот да заврши без бис.
„Оваа вечер засекогаш ќе ја носам во срцето. Ви благодарам за љубовта и поддршката – Македонијо, ти благодарам“, порача Давид.
Фото: Фросе Левковска