Празнична реклама за осамен дедо стана вирален хит, била поттикната од вистински случки

Реклама за осамен дедо стана вирален хит пред празниците, потсетувајќи нè колку е важно да бидеме љубезни со секого.

Празничното видео на „Charlie's Bar“ од Енискилен разбуди силни емоции кај голем број интернет корисници кои не пропуштија да го споделат. Во него е прикажан осамен старец кој на почетокот посетува гробишта, а потоа лута низ улиците, сè додека не влезе во барот и не запознае љубезен пар кој ќе му се придружи на масата.

„Тука нема непознати, само пријатели кои сè уште не си ги запознал“ – пишува во видеото.

„Божиќ може да биде многу весел период за некои, но болно тежок за други. Едно нешто е сигурно, секогаш ќе добиете топло добредојде кога ќе влезете низ нашата врата“ – пишуваат од барот на социјалните мрежи.

@charliesbarenniskillen ‘There are no strangers here, only friends you haven’t yet met’ (W. B. Yeats) Filming & Editing: @aoifeteague1 #christmasad #christmasadvert #christmasadvert2023 #christmasadvert23 #christmasadvertisement #christmas2023 #northernireland #northernirelandtiktok #northernirelandfyp #irishbar #irishpub #christmaspub ♬ People Help the People - Birdy

„Сакавме луѓето да почувствуваат нешто кога ќе го гледаат видеото. Идејата навистина дојде од случки кои ги имаме видено во барот низ годините“ – велат креаторите на видеото.