Повторно сингл: Убавата Бела Хадид се раздели со каубојот Адан Бануелос по 2 години врска

Бела Хадид и  Адан Бануелос не се повеќе заедно.

По две години врска, 29-годишниот модел и 36-годишниот каубој одлучија да се разделат. Веста за раскинувањето први ја пренесоа од Entertainment Tonight.

Извор близок до парот рекол дека разделбата била многу тешка за Бела, која сега се обидува да се фокусира на кариерата како модел.

„Бела се труди да остане позитивна и да си го одвлече вниманието по раскинувањето. Таа е постојано зафатена со работа и поминува време со блиски пријатели. Сѐ уште го процесира раскинувањето, бидејќи ова беше многу сериозна врска“ – рекол изворот.

Бела и Адан поттикнаа гласини за романса во октомври 2023 година, кога беа забележани заедно во Тексас. Во февруари 2024, ја направија врската официјална и на Instagram, а во март за првпат се појавија заедно на јавен настан.

Фановите постојано коментираа колку се слатки и среќни заедно, како и дека им се омилен пар.