Жените во текот на нивните 20-ти години сè уште откриваат што сакаат на сексуален план, но жените во 40-тите и 50-тите години знаат точно што сакаат, имаат поголема самодоверба и се чувствуваат покомотно со својот партнер, па затоа имаат и поубав секс.
Средновечните жени повеќе уживаат во водењето љубов, отколку жените од помладите генерации
Тоа е заклучокот на истражување во кое учествувале 600 жени на различни возрасти. Истражувачите се категорични: средовечните жени уживаат повеќе во водењето љубов, отколку жените од помладите генерации. Тие не само што имаат почесто секс, туку и сексот им носи поголемо задоволство.
Скоро 54% од жените на возраст од 18 до 30 години имаат потешкотии при достигнувањето на оргазам, а само 43% од жените на возраст од 31 до 45 години го признале истото.
Дури и жените на возраст од 46 до 54 години почесто доживуваат оргазам. Само 48% од нив изјавиле дека имаат проблеми со достигнувањето на врвната точка.
Американските научници откриле и дека сексуално најактивни се жените од 31 до 45 години. Дури 87% од нив изјавиле дека имаат секс редовно. Кај жените на возраст од 18 до 30 години овој процент изнесувал 85.