Кристијан Коцев-Кико молскавично ни ги освои срцата и сите обединето се молевме за неговото опоравување. Но, за жал, младиот херој не го дочека планираното лекување во Турција.
20-годишното момче од село Долни Балван страдаше од ретка болест Атаксија-телеангиектазија, а во изминативе денови неговата здравствена состојба драстично се влоши.
Македонската јавност во најкус можен рок ги собра средствата кои беа потребни за негово лекување. Организирани беа и неколку хуманитарни настани за него, но според најавите, тие ќе се одржат за помагање на други лица на кои им е неопходна помош.
