Сè повеќе родители ангажираат професионални фотографи за да ги овековечат моментите на раѓањето на нивните деца. Многумина тврдат дека идејата е да ги охрабрат жените и да им покажат дека нема ништо страшно во раѓањето бебе, како и да започнат поширок разговор за убавината на различните видови породувања.
Австралискиот институт на професионални фотографи ги избра најдобрите фотографии од породувања.
Минатогодишната победничка Селена Роласон повторно се најде на првото место. Талентираната фотографка, која е мајка на три деца, вели дека фотографиите им помагаат на мајките да го анализираат своето искуство.
„Мозокот е нешто кое во голема мера не можеме да го контролираме. Фотографиите од тие искуства им помагаат на жените кои имале трауматичен процес на раѓање да сфатат што се случило и да погледнат на тоа на позитивен наместо на негативен начин. Фотографиите не само што им покажуваат на жените колку се силни, туку му помагаат на општеството да разбере дека породувањето е убаво, а не страшно. Би сакала да видам промени во општествените перцепции дека раѓањето дете е нешто грозно. На крајот на краиштата, моите фотографии покажуваат дека не е“ – вели Селена.
Прочитајте ја приказната зад оваа фотографија тука.
На второто место на најголемиот натпревар за професионални фотографи во Австралија се најде фотографката Викторија Берекмери, а зад неа се смести Рана Ранкин.
Викторија Берекмери
Рана Ранкин
