По стапките на принцезата Дијана: Меган Маркл и принцот Хари однесоа радост во детска болница во Мелбурн

Меган Маркл и принцот Хари ја започнаа својата посета на Австралија со емотивна посета на Royal Children's Hospital во Мелбурн, каде однесоа насмевки и радост за најмалите пациенти.

44-годишната војвотка од Сасекс изгледаше елегантно во фустан од Karen Gee и салонки од Dior покрај 41-годишниот принц додека се дружеше со дечињата и разговараше со нивните семејства.

Оваа посета има и силна симболика, бидејќи истата болница ја посетија и принцезата Дијана и сегашниот крал Чарлс III за време на нивната турнеја низ Австралија во 1985 година.

Меган и Хари беа пречекани од стотици деца, родители и медицински персонал, кои со воодушевување ги поздравуваа и позираа со нив за фотографии.

Од болницата истакнаа дека ваквите посети имаат огромно значење за пациентите. 

„Погледнете наоколу. Можете да ги видите толпите луѓе, насмевките на нивните лица и што значи ова за нив. Сите се апсолутно воодушевени. Многу од овие пациенти се тука веќе подолго време и често се враќаат во болницата, па ваквата радост навистина значи многу за нив“ – изјавила претседателката на Управниот одбор болницата за People.

Посетата на Мелбурн е само почеток од австралиската турнеја на кралскиот пар, која ќе опфати и активности поврзани со менталното здравје, поддршка на ветерани и зајакнување на заедниците, теми кои се длабоко поврзани со долгогодишната хуманитарна работа на принцот Хари.