По осум момчиња добија девојче: Пар од Србија се радува на ќеркичката која ја доби по осум сина
Весна и Слободан Миличевиќ станаа хит во регионот минатата година, кога го добија своето деветто дете.
Парот од Србија во септември 2023 година ја доби првата ќерка по осум сина и доби бројни комплименти онлајн. Многумина ги пофалија среќните родители за храброста и желбата да имаат толку големо семејство.
Миличевиќ веќе 20 години живеат во Италија, а во интервју за српскиот „Blic“ за својата принцеза изјавија:
„Сè помина супер, ова чувство не може да се опише со зборови. Со секое ново бебе се чувствуваме посреќни, исполнети и добиваме посилна желба да бидеме подобри луѓе. Сите сме многу среќни.“
„Синовите не можат да се одвојат од неа, секој сака да ја држи и да ја чува. Мила ја дочекаа со одушевување и нивната радост е неизмерна“ – рекла мајката.
Весна сподели дека сопругот присуствувал на породувањето и дека бил пресреќен кога првпат ја зел во раце својата малечка.
„Отсекогаш сакав да имам големо семејство и го добив тој дар од Бог“ – додала Весна.
@supermama_milicevic ♬ Cini Mi Se Grmi - Zdravko Colic
Сите деца на парот се родени во Италија. Нивното прво дете се роди во 2005 година.
@supermama_milicevic ♬ Players - DJ Smallz 732 - Jersey Club Remix - Coi Leray
ФОТО: Instagram и TikTok