Пинк возврати на лажната вест дека се разведува по 20 години брак: „Благодарам што ми кажавте, кажете им и на моите деца“
Пинк не остана рамнодушна на лажните вести дека се разделила со сопругот Кери Харт по вторпат во 20 години брак.
46-годишната пејачка остро им возврати на списанието People и US Weekly кои објавија текстови во кои, повикувајќи се на неименуван извор, тврдеа дека парот повторно се разделил.
Пинк се огласи на својот Instagram профил со видео во кое ги демантираше наводите, нарекувајќи ги „лажни вести“.
„Тукушто дознав дека сум разделена од сопругот. Не знаев. Ви благодарам People магазин. Ви благодарам и на US Weekly што ми кажавте“ – вели таа саркастично во видеото.
Пинк додаде и дека нејзините деца, 14-годишната Вилоу и 9-годишниот Џејмсон, исто така „не се информирани“ за наводната разделба.
„Се прашувам, дали сакате и на моите деца да им кажете? Моето 14-годишно и моето 9-годишно дете исто така не знаат. Или можеби сакате да зборувате за некои вистински вести?“ – рече пејачката.
Пинк и Кери Харт се во брак од 2006 година. Тие кратко се разделија во 2008 година, но набрзо повторно се смирија. Парот има две деца, а нивниот брак се смета за еден од постабилните бракови во светот на славните.
