Скоро секоја диета препорачува пиење на поголемо количество вода. Пиењето на вода пред јадење е еден од најевтините и наједноставните трикови за слабеење, а сега има и истражување кое ја потврдува неговата ефективност.
Две чаши вода пред јадење топат килограми
Американски научници ги споредувале резултатите од намалувањето на тежината на луѓе кои држеле диета и пиеле половина литар вода пред јадење и луѓе кои само држеле диета.
По 3 месеци станало јасно дека учесниците кои пиеле вода ослабеле во просек по 7 килограми, односно за 2,2 килограми повеќе од учесниците кои држеле диета, но не пиеле вода пред јадење.
Водата освен што не содржи калории помага и да внесете помалку калории во текот на јадењето. Претходни истражувања покажале дека луѓето кои пијат вода пред јадење внесуваат и 75 до 90 калории помалку. Тоа значи дека водата може да ви помогне да консумирате дури до 300 калории помалку во текот на еден ден.