Пееше заедно со колегите, уживаше во прегратка на саканата... Сергеј Ќетковиќ го прослави 50-тиот роденден со гала-забава

Сергеј Ќетковиќ го прослави 50-тиот роденден во кругот на семејството, пријателите и колегите од музичката естрада.

Црногорскиот пејач организираше гала-забава за паметење во белградски ресторан, на која големо внимание привлече неговата сопруга Кристина која беше облечена во црвен фустан.

Меѓу останатите славни гости, на прославата присуствуваа и Јелена Томашевиќ, Ален Исламовиќ и Ацо Пејовиќ кои заедно со Сергеј ја направија вечерта уште повесела.

Роденденската торта беше примамлива украсена со јагоди и свеќички во форма на бројот 50. По прославата, Ќетковиќ сподели фотографии на социјалните мрежи, заедно со пораката:

Фала ви, добри мои! На вас што сте мој мал круг од големи луѓе! Да даде Бог здравје и памет, па да паметиме само прегратки и насмевки, да ги славиме сите денови и години што се пред нас! Да го славиме животот! Ве сака Сергеј!

Инаку, пејачот е во долгогодишен среќен брак со Кристина, со која има две ќерки, а често истакнува дека токму семејството е неговата најголема поддршка и инспирација.