Парот од Црна Гора, кој по 22 години неплодност доби дете зачнато во Скопје, славеше прв роденден за ќеркичката
По 22 години борба со неплодноста, Соња и Марко Миротиќ минатата година ја дочекаа нивната најголема радост.
57-годишната Соња и 69-годишниот Марко од Црна Гора добија ќеркичка, а пред неколку дена го прославија нејзиниот прв роденден.
Нивниот дом повторно беше исполнет со солзи, но овој пат радосници. Парот не можеше да си ги сокрие среќата и гордоста.
„Пресреќни сме. Плачев од среќа и радост, не можам да ги задржам емоциите. Богдана е нашето најголемо богатство“ – изјавила Соња.
Марко, пак, со насмевка на лицето признал дека ова е најсреќниот ден во неговиот живот.
„Нема посреќен човек од мене. Мене ова ми е најсреќен ден во животот, така се чувствувам“ – рекол гордиот татко.
Иако Соња поради здравствени причини не може да ги извршува сите обврски поврзани со грижата за детето, Марко со огромна посветеност ја презел таа улога. Тој прави сé што е потребно за слатката Богдана, па таа е особено приврзана за него.
„Таа ми е приоритет. Сè прекинувам само за да ѝ угодам“ – рекол Марко, опишувајќи ја безусловната љубов која постои меѓу него и ќеркичката.
Парот си ја исполни големата желба за потомство благодарение на клинка од Скопје која ѝ помогнала на пресреќната мајка да забремени со ин витро и покрај возраста.
На сите парови кои поминуваат низ истите проблеми, Соња им порача:
„Да веруваат. Прво да веруваат во себе и во својот партнер. Да имаат огромна желба за тоа. Нам по 22 години борба желбата ни се оствари. Да бидат упорни и желбата веројатно ќе им се оствари. Нека не се откажуваат“.
