Оливија Кулпо со фотографии сподели дека е бремена со првото дете по борбата со ендометриоза
Оливија Кулпо е во блажена состојба. Поранешната Мис Универзум го очекува првото дете со сопругот Кристијан МекКафри.
32-годишната убавица, која страдаше од ендометриоза и беше оперирана во 2020 година, сега е пресреќна што конечно ќе го добие своето мало чедо.
Убавата вест таа ја сподели со фотографии од трудничкото стомаче и видео со саканиот. „Следно поглавје, мајчинство“ – напиша таа во описот.
Кулпо целиот свој живот страдала од болни менструации и добивала само погрешни дијагнози од докторите. Но, во 2019 година, таа конечно ја добила вистинската дијагноза – ендометриоза.
Следната година, таа помина низ операција за отстранување на чоколадните цисти од нејзините јајници и благодарение на тоа, денес успеа да носи бебенце во својата утроба.
Оливија и 28-годишниот НФЛ играч стапија во брак минатото лето.
Таа не ги криеше своите стравови за тоа дали ќе може да забремени и отворено зборуваше на таа тема. „Сакам да имам деца, но сакам да се осигурам дека можам. Може да биде многу тешко за мене да имам бебиња“ – изјавила таа во 2022 година.
„Болните менструации не се нормални!!!“ – вели Оливија и апелира сите жени кои имаат болни менструации да си направат преглед за ендометриоза.
„Ендометриоза е состојба при која ткиво од обвивката на матката одлучува да расте на други делови од телото, предизвикувајќи болка. Ова може да влијае на плодноста и на целокупното здравје и да бидам искрена – на среќата“ – дополнува атрактивната мисица.
