Дали веќе ја изгледавте „Adolescence“? Серијата руши рекорди на Netflix и деновиве е најзборуваната серија.
Крими-драмата на Стивен Греам имаше 24,3 милиони гледања во првите четири дена, а две недели по првото прикажување, гледаноста порасна на 66,3 милиони, што е нов рекорд на Netflix за лимитирана серија.
„Adolescence“ е и најгледана британска серија досега. Таа започнува со апсењето на 13-годишниот Џејми Милер за убиство на ученичка од неговото училиште. Карактеристично за серијата е што секоја од четирите епизоди е снимана во еден непрекинат кадар.
Трејлер за „Adolescence“
Серијата поттикна низа дискусии за машкиот гнев, онлајн булингот, прекумерното користење на телефоните и социјалните мрежи. Веќе има повици „Adolescence“ да започне да се прикажува во училиштата.
