Од продавачка во Гучи до VIP гостинка на ревија: Џорџина спореди како ѝ се промени животот во 10 години по врската со Роналдо

Од продавачка во бутик на Гучи до VIP гостинка во првиот ред на нивната модна ревија во Милано, животот на Џорџина Родригез драматично се промени во изминатата деценија. 

Вереницата на Кристијано Роналдо сподели емотивен момент на социјалните мрежи, потсетувајќи се на периодот кога работела како продавачка и сега, кога е славна личност канета на многу модни настани.

На Instagram, Родригез објави фотографии „некогаш и сега“, од кои една е од времето кога работела во бутикот на Гучи во Мадрид, а другата од најновата ревија на брендот. На неа, Џорџина се појави облечена од глава до пети во модели на италијанската луксузна модна куќа.

„2026/2016“ – напиша Џорџина, алудирајќи на тоа дека во 2016 година им помагала на клиентите на брендот да изберат модни парчиња, а сега ги носи на себе.

Токму во бутикот на Гучи, додека била на работното место, го запознала Роналдо, кој денес ѝ е вереник. Тие не кријат дека се вљубиле на прв поглед еден во друг.

Денес, парот има пет деца.