Од плакарот на мајка си: Каја Гербер го носеше истиот фустан во кој Синди Крафорд шармираше на Оскар 1993

Каја Гербер и Синди Крафорд негуваат специјална врска.

23-годишната актерка и манекенка ѝ оддаде почит на мајка си, пресоздавајќи нејзин иконски изглед за премиерата на филмот „Shell“. На црвениот тепих на Филмскиот фестивал во Торонто Каја блесна во бела припиена креација од Hervé Leger и OMEGA часовник.

Истиот фустан, Синди го носеше на доделувањето на Оскарите во 1993 година, каде шармираше покрај тогашниот сопруг Ричард Гир. Синди и Ричард беа во брак од 1991 до 1995 година.