Ели Сааб не ги остава рамнодушни своите обожавателки. Со новата колекција висока мода, тој повторно измами воздишки кај присутните на ревијата во Париз.
На модната писта најпрво беа претставени креации кои зрачеа со мрачна романтика, а крајот на шоуто го красеше раскошен невестински фустан.
„Маѓепсана серенада“ (Enchanted serenade) е називот на колекцијата која е проткаена со волшебен спектакл од впечатливо елегантни силуети.
„Етерична мелодија тивко се издигнува и деликатно лебди, како ладна магла низ воздухот на самракот. Секоја музичка фраза шепоти волшебна серенада за да ја разбуди божицата меѓу ѕвездите“ – стои во дел од описот за колекцијата.
