Од мало девојче до прекрасна девојка: Милан Калиниќ ѝ го честиташе 18-тиот роденден на ќерката

Теа Калиниќ наполни 18 години а нејзиниот познат татко Милан Калиниќ не пропушти да го одбележи нејзиното полнолетство.

Српскиот водител, сподели албум со фотографии од растењето на Теа и напиша:

„18, Тејкили моја, си знаеш сé“.

Особено емотивна беше мајката на Теа, Сандра, со која Милан се разведе во 2024 година. Тие беа во брак од 2006 година, а заедно имаат и еден син, кој се вика Вук.

Сандра ѝ го честиташе роденденот на Теа со емотивна порака и серија семејни фотографии на социјалните мрежи.

Моето прво дете денес полни 18 години, а моето срце игра од среќа и трепери од емоции. Љубов моја, ти посакувам низ животот да одиш храбро, да веруваш во себе и во своите соништа, да сакаш искрено и чисто и среќата да те следи во сè што правиш.

Сакам да знаеш дека каде и да те одведе животот, какви и патишта да избереш, секогаш имаш место каде што припаѓаш и каде што си безбедна, каде што секогаш можеш да се вратиш. Можеби во животот понекогаш ќе паднеш, можеби ќе посомневаш во себе, но никогаш не заборавај колку вредиш и колку си сакана. Ти си мојата најголема радост, мојата гордост и мојата најубава животна приказна. Среќен 18-ти роденден, љубов мамина. Те сакам повеќе отколку што некогаш ќе можеш да замислиш ❤️ - напиша Сандра.

И покрај разводот, и Милан и Сандра присуствувале на роденденската прослава на Теа. Тие ја изненадиле славеничката со торта, подароци и многу љубов.

Милан неодамна јавно зборуваше и за љубовниот живот на својата ќерка, истакнувајќи дека е задоволен од нејзиниот избор и дека не е „строг татко“ кој на секое момче гледа со недоверба.