Од Белград со аплаузи од балкони, а од Сараево со порака полна љубов испратена поддршка за Загреб

Загрепчани добиваат поддршка од целиот регион во кризните моменти. Главниот град на Хрватска освен што е соочен со ширење на коронавирусот, истовремено се справува со последиците од силниот земјотрес.

Од Белград вечерва беше испратена порака со поддршка во форма на гласен аплауз. Граѓанската иницијатива „Ne davimo Beograd“ вечерва го посвети ракоплескањето од балкони наречено „Аплауз во 8“ на Загреб, кој денес беше потресен од серија земјотреси.

Многу луѓе излегоа на балконите точно во 20 часот за да им ракоплескаат на своите соседи:

Blok 22, dan 5 #aplauz#Zagreb mislimo na vas, i sve na frontu borbe protiv #coronavirus pic.twitter.com/jxFtGT8EGW

— Dobrica Veselinović (@dobrinacelnik) March 22, 2020

Сараево со светлечка порака „Сараево (срце) Загреб“ ги бодри Загрепчани.

Сараевскиот градоначалник Абдула Скака порача: „Главниот град на БИХ им порачува на Загрепчани и на цела Хрватска дека вечерва се во нашите мисли и молитви... Сараево не ги заборава своите пријатели.“