Штип официјално ја стартуваше празничната сезона со палење на елката и празнична декорација на градскиот плоштад. Градот под Исарот доби неодолив изглед со светлечки инсталации и тематски украси кои ќе бидат дел од градската атмосфера во текот на највеселиот период од годината.
Плоштад „Слобода“ беше исполнет со жители од сите возрасти, а најмалите со видлива возбуда уживаа во пригодна програма со музика.
Со пораката „Штип светка најсилно кога сме заедно“ на градоначалникот Иван Јорданов, градот влезе во периодот на новогодишните прослави, со надеж дека декорациите и планираните настани ќе донесат оптимизам и позитивна атмосфера за локалната заедница.
Фото: Официјална Facebook страница на Иван Јорданов, градоначалник на Штип