Супермоделот Кејт Мос ја дизајнираше својата прва колекција чанти за францускиот луксузен бренд Longchamp. Колекцијата беше промовирана во Париз во хотелот The Ritz пред 700 гости.
Новата колекција е составена од класични чанти, чиј изглед е збогатен со елементи од рок стилот. Црно-белата зебраста шара е заштитен знак на колекцијата. Повеќето чанти се надополнети со шарпа со зебраста шара.
За создавањето на колекцијата Кејт работела со креативниот директор на Longchamp, Sophie Delafontaine, а се опфатени неколку теми: Rock'n'Casual, Rock'n'Travel и Rock'n'Glam.
Кејт Мос е заштитно лице на Longchamp веќе подолго време, но ова е првата нивна соработка од ваков тип. Новата колекција ќе биде пуштена во продажба на 11 февруари.
