Нова жртва на пожарот во Кочани: Почина управителот на дискотеката „Пулс“ кој се лекуваше во Литванијa

Пожарот во дискотеката „Пулс“ ја зеде 60-тата жртва.

Почина Александар Карадакоски кој се лекуваше во странство. Александар беше управител на „ММММ Кафе ДООЕЛ“, фирмата којашто раководеше со „Пулс“ во Кочани.

Тој работел како шанкер во дискотеката кога се случил пожарот, а поради сериозноста на повредите, бил пренесен на лекување во Литванија заедно со уште тројца други пациенти.