Најдобро чуваната шопинг тајна е откриена: Pepco доаѓа во Скопје овој јуни!
Обележете го јуни во вашите календари, бидејќи првите продавници на Pepco во Скопје се подготвени да станат дестинација број еден за сите кои бараат квалитетна облека и производи по најдобри цени на пазарот.
Со ова, Скопје станува дел од големата приказна на брендот кој веќе 22 години ги освојува срцата на потрошувачите низ цела Европа.
Доаѓањето на овој гигант на нашиот пазар, како 19-та европска дестинација на нивната мапа, не е само бизнис вест, тоа е најава за нова шопинг ера во нашето секојдневие.
За милиони потрошувачи низ Европа, Pepco стана омилена дестинација за секојдневните потреби, место каде семејствата уживаат во мода, производи за домот и практични предмети кои се во чекор со трендовите, со висок квалитет и достапни цени.
По серијата рекордни успеси во регионот, конечно е наш ред да уживаме во неодоливите декоративни парчиња и тренди модни наоди кои изгледаат како да се симнати од насловна страница на магазин, по цени кои се уште попривлечни.
Pepco во моментов управува со над 4.000 продавници во 18 европски земји, опслужувајќи повеќе од 36 милиони потрошувачи месечно.
„Северна Македонија веќе некое време е на нашата мапа за експанзија. Влезот на овој пазар е природен следен чекор во развојот на Pepco, надоврзувајќи се на нашето силно присуство низ Централна и Источна Европа и соседните земји како Србија, Бугарија, Грција, Хрватска, Словенија и Босна и Херцеговина“.
„Нашата цел е едноставна: да го олесниме секојдневието на потрошувачите нудејќи квалитетна облека и производи за широка потрошувачка по најдобри цени на пазарот. Возбудени сме што ќе им ја претставиме оваа понуда на македонските семејства и што ќе отвориме продавници кои се во близина, лесно достапни и едноставни за купување“ – изјави Марцин Станко, главен оперативен директор за Централна и Источна Европа.
