„Нивната љубовна приказна започна во градинка“: Ќерката на Антонио Бандерас и Мелани Грифит се вери

Стела Бандерас го прифати предлогот за брак на Александар Грушински.

Ќерката на актерите Антонио Бандерас и Мелани Грифит се вери со полскиот кинематографер, со кого има специјална врска уште од градинка. Парот доби специјални честитки од Антонио и Мелани.

Во описот на црно-белите фотографии од веридбата и прстенот, Мелани раскажа дека ова е љубовна приказна која започна во градинка.

„Тој праша... клекнат на колено... таа рече да. Стела и Алекс се верија. Нивната љубовна приказна започна во градинка. Вистинска љубов, длабока љубов! Честитки“ – напиша таа.

„Мојата ќерка Стела ќе се омажи. Не можеме да бидеме посреќни и повозбудени“ – напиша Бандерас.

„Засекогаш ќе можам да бидам со мојата омилена личност на Земјата“ – напиша Стела и сподели фотографии од градинка, кога го запозна својот избраник.

Мелани и Антонио стапија во брак во 1996 година во Лондон. Во јуни 2014 година, тие објавија дека се разделуваат на пријателски начин. И покрај тоа што се разведени, тие сега се добри пријатели.