„Ништо не е невозможно“: По 17 години борба за мајчинство, 42-годишна жена доби бебе во „Плодност“ во Битола
Убавите вести брзо се шират, а повторно доаѓаат од Болницата „Плодност“ во Битола.
По 17 години обиди за зачнување и раѓање бебе, 42-годишна жена стана мајка благодарение на стручниот тим од болницата.
Тие споделија фотографии од „малиот јунак“ кој е резултат на процедура со одмрзнати ембриони.
Претходно, мајката имала два неуспешни обиди за забременување.
„Ништо не е невозможно за оние кои веруваат! Никогаш не се откажувајте од вашата цел да станете родител“ – порачуваат од болницата.
Ништо не е невозможно за оние кои веруваат!
После 17 години борба за мајчинство и верба во нашите експерти, 42-годишна мајка конечно го доби своето бебе во Болница Плодност. Овој мал јунак е резултат на процедура со одмрзнати ембриони.
Претходно, мајката имаше два неуспешни обиди кај нас, но на вториот обид замрзнавме ембриони во стадиум на бластоцисти – и токму тие денес ја донесоа оваа радост!
Оваа успешна приказна ни укажува на две важни работи:
- Никогаш не се откажувајте од вашата цел да станете родител.
- Ембриотрансферите со замрзнати ембриони често покажуваат подобри резултати од свежите ембриони.
Ембрионот беше мониториран во најсовремениот timelapse инкубатор – Ембриоскоп, единствен во нашата држава.