Семејното насилство се случува многу почесто одошто си замислуваме. Според Светската здравствена организација, 1 од 3 жени низ светот е физички или сексуално малтретирана.
Литванското движење „Women Speak“ сними фотосесија со пет жени кои собрале храброст да ги напуштат засекогаш партнерите од кои биле малтретирани.
Целта на ваквиот проект е да се покаже колку силни и инспиративни се жените кои одлучуваат да ги остават насилните партнери и да се охрабрат жените кои сè уште се жртви на насилство да побараат спас од таквата врска.
Никогаш не треба да го прифатиш понижувањето или да си жртва на насилство. Постои поразличен живот таму некаде – посветол, поубав и исполнет со надеж. Ние сме посилни од мажите. Навистина верувам дека секоја лоша ситуација има добра страна и дека постои решение за секој проблем.
Ќе си ја повратиш самодовербата кога ќе излезеш од насилна врска. Многу жени доаѓаат во центрите за кризни ситуации откако ќе станат жртви на физичко насилство. Но, постои и психичко малтретирање. И понекогаш тоа е уште полошо, бидејќи е потешко да се соочиш со невидливите последици од насилството.
Првиот пат кога твојот партнер стане насилен кон тебе, зборувај и кажи им на семејството и пријателите. Жената не е предмет, таа не треба да се потпира на туѓите мислења за неа. Таа може да каже „не“ на насилството со тоа што ќе одбие да биде жртва.
Колку подолго живееш во насилна средина, толку потешко е да излезеш од неа. Но, никогаш не е доцна за да излезеш од таквата врска, дури и ако имаш 5 деца.
Има жени кои ги минуваат целите свои животи во насилни врски: тие ги обвинуваат другите, се жалат, се прават жртви самите себе. Преземи акција!