Минатата година Селена Гомез беше придружувана од своето поранешно момче The Weeknd на балот МЕТ. Годинава таа се појави без придружба на свечениот настан во музејот на уметноста „Метрополитен“, но привлече големо внимание со својата нежна убавина.
25-годишната пејачка носеше фустан и чантичка од брендот Coach, на кој е заштитно лице и за кој во моментов креира колекција во соработка со дизајнерот Стјуарт Веверс.
Гомез и Веверз заедно позираа на црвениот тепих.
На свечениот настан, Селена се сретна со Џиџи Хадид. Фотографиите од нивната средба привлекоа големо внимание на социјалните мрежи, бидејќи и Гомез и сестрата на Џиџи, Бела, се имаат состанувано со The Weeknd.
Лицата задолжени за изгледот на Гомез на Instagram споделија фотографии од подготовките.