„Невидена тага“: Мелинда се огласи по обвинувањата дека Бил Гејтс се заразил со сексуално пренослива болест од Русинка и барал антибиотици за тајно да ѝ ги подметне

Во најновата серија документи објавени од Министерството за правда на САД, во рамките на истрагите поврзани со покојниот педофил Џефри Епстин, се појавија обвиненија за Бил Гејтс кои ја разбрануваа светската јавност.

Имено, во неиспратени мејлови било наведено дека Гејтс наводно добил сексуално пренослива болест од девојки од Русија. Потоа, познатиот милијардер се обидел да најде антибиотици за да ѝ ги подметне на неговата тогашна сопруга Мелинда, со цел да ја прикрие инфекцијата.

Бил веднаш реагираше и изјави дека тврдењата се лажни и доаѓаат од фрустрацијата на Епстин да одржи пријателство со него. Тој изрази жалење што поминувал време со контроверзниот финансиер, но вели дека никогаш не бил на островот и никогаш не се среќавал со жени поврзани со Епстин.

„Јас сум еден од многуте луѓе кои жалат што го познавале. Очигледно Џефри си напиша e-mail себеси. Тој e-mail е лажен“ – е категоричен Бил.

Во меѓувреме, неговата поранешна сопруга Мелинда гостуваше во подкастот „Wild Card“ каде беше запрашана како се чувствува по овие вести кои кружат во светските медиуми.

Тажно. Чувствувам невидена тага. Барем јас можев да продолжам во животот. Се надевам ќе има правда за тие жени. Она низ што поминаа тие е незамисливо...

Ниту една девојка, ниту една не треба да биде ставена во ситуација во каква што беа ставени тие девојки од Епстин и луѓето околу него. Ми се крши срцето. Се сеќавам на времето кога јас бев на таа возраст, се сеќавам на моите ќерки кога беа на таа возраст, па за мене е посебно тешко кога и да излезат такви детали, бидејќи ми враќа спомени од болни времиња во бракот. Но, го надминав тоа. Умислено го оттурнав од себе сето тоа и продолжив.

Прашањата кои произлегуваат се за тие луѓе, па и за мојот поранешен сопруг. Тие треба да одговараат за тоа, не јас. И многу сум среќна што сум далеку од таа „тиња“.

Мелинда и Бил се разведоа во 2021 година, а непосредно по разделбата стана јасно дека тој имал афера со вработена во „Мајкрософт“.