Малата Ема претпразнично донесе голема радост во „Плодност“.
Бебенцето родено со тежина 2.990 грама докажа дека радоста доаѓа во најмалите форми. Ема беше фотографирана во празнична облека, како Дедо Мраз, а освои многу симпатии меѓу вработените во битолската болница и на социјалните мрежи.
Кај нас, предновогодишните подароци пристигнуваат секој ден.
Ова е малата Ема од Прилеп.
Нежна, мирна и совршена, со својата тежина 2990г и должина 49см, како уште еден доказ дека радоста доаѓа во најмалите форми.
Нејзината постара сестричка Миа нè праша:
„Зошто мојата сестра не е објавена?“
И искрено, тоа ни беше едно од најслатките прашања што сме ги слушнале.
Затоа, оваа објава е за нив двете.
За сестринската љубов што започнува уште од првиот ден.
Ви посакуваме среќни и топли новогодишни празници - напишаа од битолската болница „Плодност“.
