Не знаела дека е трудна: Ја пренесеувале на болница за воспалено слепо црево, родила бебе во амбулантното возило

Девојка, која итно морала да биде одведена во болница под сомнение дека има воспаление на слепото црево, го доби шокантно изненадување.

Меган Ишервуд од Англија родила момче во амбулантното возило на пат кон болницата. Сега, и мајката и бебето се во одлична здравствена состојба и уживаат заедно.

„Останав без зборови. Не можев да поверувам што се случува. Немав стомаче, немав никакви симптоми, тој дојде од никаде“ – рекла таа.

На 9 септември, 26-годишната Британка се разбудила со екстремно силни болки на десната страна од стомакот и започнала да повраќа крв.

Стравувајќи дека станува збор за воспалено слепо црево, повикала Брза помош. Медицинските лица кои пристигнале во нејзиниот дом веднаш ја пренеле во локалната болница, откако забележале забрзан пулс и гадење, типични симптоми за слепо црево. Но, состојбата брзо се влошила.

Меган започнала обилно да крвари и го намокрила целиот кревет.

„Петнаесет доктори се собраа околу мене обидувајќи се да откријат што се случува. Одлучија да направат компјутерска томографија и ултразвук за да исклучат бременост, но тогаш видоа главче и стапала.“

Веднаш била пренасочена кон болница со акушерска служба, но не стигнала навреме и се породила во амбулантно возило.

„Морав да напнам. Следното нешто на коешто се сеќавам е дека ми честитаа за бебето и ми кажаа дека е момче. Толку бев шокирана, што не можев да поверувам што се случи“ – раскажува Ишервуд.

Но, радоста брзо се претворила во страв, бидејќи новороденчето било сино и не дишело. Медицинскиот тим веднаш започнал реанимација и, за среќа, успеале да го вратат во живот.

И на мајката и на бебето им била дијагностицирана сепса и биле префрлени на одделението за интензивна нега. По 16 дена поминати таму, на 25 септември, Ишервуд конечно се вратила дома со своето „бебе-чудо“, кое го крстила Џексон.

„Тој напредува одлично. Тој е чудо“ – вели младата мајка.