“
Илјадници свеќи може да бидат запалени од една единствена свеќа, без да се скрати животот на свеќата. Среќата никогаш не се намалува поради тоа што е споделена.
Светот денес по петти пат го одбележува Светскиот ден на среќата, па со насмевка придружете им се на лицата кои не дозволуваат обврските и проблемите да им ја уништат позитивноста.
Датумот 20 март беше избран во 2012 година од страна на Обединетите нации, а „празникот“ за првпат беше прославен во 2013 година како начин да се истакне важноста на среќата во животот на луѓето низ целиот свет.
Под иницијатива на ОН, оваа година денот се слави под хаштагот #SmallSmurfsBigGoals.
Видео
10 чекори до среќата
- Помалку жали се, повеќе цени.
- Помалку гледај, повеќе прави.
- Помалку суди, повеќе прифаќај.
- Помалку плаши се, повеќе обидувај се.
- Помалку зборувај, повеќе слушај.
- Помалку мурти се, повеќе смеј се.
- Помалку консумирај, повеќе креирај.
- Помалку земај, повеќе давај.
- Помалку грижи се, повеќе танцувај.
- Помалку мрази, повеќе сакај.