„Најитна кампања досега“: Апел за да ја спасиме 8-годишната Ана која има редок и агресивен тумор на синусите

Ана Јованчев итно ѝ е потребна нашата помош.

На 8-годишното девојче ѝ беше дијагностициран редок и исклучително агресивен тумор на синусите, а дијагнозата е потврдена во Хрватска, каде во моментов се бара специјализиран хирург кој ќе ја изврши неопходната операција.

Болеста е сериозна, комплексна и со висок степен на ризик, а времето е најкритичниот фактор. Семејството се соочува со огромен финансиски товар кој ги надминува нивните можности, па има потреба од хуманите граѓани.

Кликнете тука и донирајте на Ecrowd Medical, каде беше објавен следниот апел за помош на Ана:

Ана Јованчев има само 8 години. Возраст во која децата треба да мислат на училиште, игра и соништа – не на болници и тешки дијагнози. 

На Ана ѝ е дијагностициран редок и исклучително агресивен тумор на синусите – Tu Foss pterygopalatina Sinus sphenodalis lat dex et orbitae lat dex. Болеста е сериозна, комплексна и со висок степен на ризик, а времето е најкритичниот фактор. 

Дијагнозата е потврдена во Хрватска, каде во моментов се бара специјализиран хирург кој ќе ја изврши неопходната операција. Станува збор за исклучително деликатна интервенција поради локализацијата на туморот и неговата агресивност. 

Ова е најитната кампања досега. 

Секој изгубен ден значи дополнителен ризик. 
Секое одложување ја намалува шансата за навремена реакција. 

Пред Ана е тешка борба – но таа не смее да ја води сама. 

Потребни се средства за хируршка интервенција, медицински трошоци и третман во странство. Семејството се соочува со огромен финансиски товар кој ги надминува нивните можности. 

Да покажеме дека солидарноста е посилна од болеста. 
Да дадеме шанса на едно 8-годишно дете да продолжи да сонува, да расте и да живее.

Сега е моментот. 
Итно.