Најголем победник на вечерта: Калиопи доби три награди на Златна бубамара и отпеа свои големи хитови

Синоќа, Калиопи Букле беше најголемиот победник на 28-мото издание на Златна бубамара на популарноста.

58-годишната музичка дива доби три награди и со својот моќен глас отпеа повеќе свои хитови. Нашата музичарка се закити со Златна бубамара за најдобра Пејачка, Албум и Поп концерт за 2024 година.

На сцената во преполната арена „Борис Трајковски“, Калиопи се појави во зелен костум и ја одушеви публиката со изведба на „Бато“, „Остани мој“, „Дона“, „Не плачи“, „Не заборавај“, „Црно и бело“ и „Остани во мене“.

Наградата за Албум на 2024, Калиопи му ја посвети на својот поранешен сопруг, кој со децении е нејзин верен соработник и пријател, Ромео Грил. Признанието Поп концерт на 2024, таа ѝ го на посвети на својата публика.

Фотографии: Благоја Цоканов / Femina.mk