„Најцрниот ден. Почивајте во мир ангелчиња наши“: Последно збогум за жртвите во пожарот во Кочани
Македонија се соочува со една од најголемите трагедии во нејзината историја
Осамна утро сончево, но без светлина во срцата на тие што ги изгубија своите најблиски. Денес ќе бидат погребани 59 лица кои загинаа во страшниот пожар во Кочани кој ја потресе земјата.
Тагата е неизмерна, а болката што ги исполни срцата на семејствата, пријателите и сите нас е неопислива. Овој трагичен ден ќе остане забележан како ден на загуба, солзи и молк, кој ќе нè потсетува на кревкоста на животот и на важноста на помагањето во тешките моменти. Почивајте во мир, ангелчиња наши.
Емотивен текст се споделува како последно збогување со починатите лица.
Осамна утрото сончево. А сончевите зраци денес темни, црнила...
Најцрниот ден во македонската историја. Масовен погреб на деца за време на најголемите христијански пости.
И не знам дали имаше мајка што синоќа мирно спиеше. И не знам дали од оваа црнила некогаш ќе се опоравиме како нација... Почивајте во мир ангелчиња наши.
